@๓ ขุ. ชา. ๒๘/๕๒๖/๑๙๙ เนมิราชชาตก (สฺยา) ๔ ม. สมาทเปสึ

@๕ ฉ.ม. อาคเตน ๖ ฉ.ม. โหตีติ เอวเมว มนุสฺสานํ สายมาสภตฺเต นิฏฺฐิเต จนฺเทน ๑- สทฺธึ ยุคนทฺธนํ กตฺวา เปเสสิ, ยมกจนฺทา อุฏฺฐิตา วิย อเหสุํ. มหาชโน ทิสฺวา "ยมกจนฺทา อุคฺคตา"ติ อาห. อาคจฺฉนฺเต อาคจฺฉนฺเต น ยมกจนฺทา, เอตํปิ ๒- วิมานํ, น วิมานํ, เอโก รโถติ. รโถปิ อาคจฺฉนฺโต อาคจฺฉนฺโตปิ ปกติรถปฺปมาโณว, อสฺสาปิ ปกติอสฺสปฺปมาณาว อเหสุํ. เอวํ รถํ อาหริตฺวา รญฺโญ ปาสาทํ ปทกฺขิณํ กตฺวา ปาจีนสีหปญฺชรฏฺฐาเน รถํ นิวตฺเตตฺวา อาคตมคฺคาภิมุขํ สีหปญฺชเร ฐตฺวาว อาโรหนสชฺชํ ฐเปสิ.

อภิรุห มหาราชาติ ราชา "ทิพฺพยานํ เม ลทฺธนฺ"ติ น ตาวเทว อภิรุหิ, นาครานํ ปน โอวาทํ อทาสิ "ปสฺสถ ตาตา, อยํ เม สกฺเกน เทวรญฺญา ทิพฺพรโถปิ ๓- เปสิโต, โส จ โข น ชาตึ วา โคตฺตํ วา กุลปเทสํ วา ปฏิจฺจ เปสิโต, มยฺหํ ปน สีลาจารคุเณสุ ๔- ปสีทิตฺวา เปสิโต. สเจ ตุเมฺหปิ สีลํ รกฺขิสฺสถ, ตุมฺหากํปิ เปสิสฺสติ, เอวํ รกฺขิตุํ ยุตฺตํ นาเมตํ สีลํ. นาหํ เทวโลกํ คนฺตฺวา จิรายิสฺสามิ, อปฺปมตฺตา โหถา"ติ มหาชนํ โอวทิตฺวา ปญฺจสุ สีเลสุ ปติฏฺฐาเปตฺวา รถํ อภิรุหิ. ตโต มาตลิ สงฺคาหโก "อหํปิ มหาราชสฺส มมานุจฺฉวิกํ กริสฺสามี"ติ อากาสมฺหิ เทฺว มคฺเค ทสฺเสตฺวา อปิจ มหาราชาติอาทิมาห.

ตตฺถ กตเมนาติ มหาราช อิเมสุ มคฺเคสุ เอโก นิรยํ คจฺฉติ, เอโก เทวโลกํ, เตสุ ตํ กตเมน เนมิ. เยนาติ เยน มคฺเคน คนฺตฺวา ยตฺถ ปาปกมฺมนฺตา ปาปกานํ กมฺมานํ วิปากํ ปฏิสํเวทิยนฺติ, ตํ ฐานํ สกฺกา โหติ ปสฺสิตุนฺติ อตฺโถ. ทุติยปเทปิ เอเสว นโย. ชาตเกปิ:-