[247] Idāni tesaṃ tesaṃ visesādhigamānaṃ paṭipadaṃ ācikkhanto puna caparaṃ udāyītiādimāha. Tattha abhiññāvosānapāramippattāti abhiññāvosānasaṅkhātañceva abhiññāpāramisaṅkhātañca arahattaṃ pattā.

Sammappadhāneti upāyappadhāne. Chandaṃ janetīti kattukamyatākusalacchandaṃ janeti. Vāyamatīti vāyāmaṃ karoti. Vīriyaṃ ārabhatīti viriyaṃ pavatteti. Cittaṃ paggaṇhātīti cittaṃ ukkhipati. Padahatīti upāyappadhānaṃ karoti. Bhāvanāya pāripūriyāti vaḍḍhiyā

@4 cha.Ma. anusāsaniṃ 5 Sī. bhajanti Paripūraṇatthaṃ. Apicettha "yā ṭhiti, so asammoho .pe. Yaṃ vepullaṃ, sā bhāvanāpāripūrī"ti evaṃ purimaṃ purimassa pacchimaṃ pacchimassa atthotipi veditabbaṃ.