9. Mahāpuṇṇamasuttavaṇṇanā

[85] Evamme sutanti mahāpuṇṇamasuttaṃ. Tattha tadahūti tasmiṃ ahu, tasmiṃ divaseti attho. Upavasanti etthāti uposatho. Upavasantīti sīlena vā anasanena vā upetā hutvā vasantīti attho. Ayaṃ panettha atthuddhāro:- "āyāmāvuso kappina uposathaṃ gamissāmā"tiādīsu hi pātimokkhuddeso uposatho. "aṭṭhaṅgasamannāgato kho visākhe uposatho upavuttho"tiādīsu sīlaṃ. "suddhassa ve sadā phaggu, suddhassuposatho sadā"tiādīsu upavāso. "uposatho nāma nāgarājā"tiādīsu paññatti. "na bhikkhave tadahuposathe sabhikkhukā āvāsā"tiādīsu upavasitabbadivaso. Idhāpi soyeva adhippeto. So panesa aṭṭhamīcātuddasīpaṇṇarasībhedena tividho. Tasmā sesapadadvayanivāraṇatthaṃ paṇṇaraseti vuttaṃ. Tena vuttaṃ "upavasanti etthāti uposatho"ti. Māsapuṇṇatāya puṇṇā

@cha. ulloketuṃ na piṇḍapātaṃ 3 aṅa. aṭṭhaka. 23/133/260 (syā)