4. Sāmagāmasuttavaṇṇanā

[41] Evamme sutanti sāmagāmasuttaṃ. Tattha sāmagāmeti sāmākānaṃ ussannattā evaṃ laddhanāme gāme. Adhunā kālakatoti sampati kālaṃ katoti. Dveḷhakajātāti dvejjhajātā dvebhāgajātā. Bhaṇḍanādīsu bhaṇḍanaṃ pubbabhāgakalaho, taṃ daṇḍādānādivasena paṇṇattivītikkamavasena ca vaḍḍhitaṃ kalaho, "na tvaṃ imaṃ dhammavinayaṃ ājānāsī"tiādikaṃ viruddhavacanaṃ vivādo. Vitudantāti vijjhantā. Sahitammeti mama vacanaṃ atthasañhitaṃ. Adhiciṇṇaṃ te viparāvattanti yaṃ tava adhiciṇṇaṃ cirakālasevanavasena paguṇaṃ, taṃ mama vādaṃ āgamma nivattaṃ. Āropito te vādoti tumhaṃ upari mayā doso āropito. Cara

@5 cha.Ma. kālaṅkato 6 cha.Ma. dvedhikajātāti 7 cha.Ma. vitujjantā 8 Ma. paguṇaṃ vā Vādappamokkhāyāti bhattapuṭaṃ ādāya tantaṃ upasaṅkamitvā vādappamokkhatthāya uttariṃ pariyesamānova cara. Nibbedhehi vāti atha mayā āropitavādato attānaṃ mocesi. Sace pahosīti sace sakkosi. Vadhoyevāti maraṇameva.