๓. โทณปากสุตฺตวณฺณนา

[๑๒๔] ตติเย ๔- โทณปากสุทนฺติ โทณปากํ สุทํ. ๔- โทณสฺส ตณฺฑุลานํ ปกฺกภตฺตํ ตทุปิยญฺจ สูปพฺยญฺชนํ ภุญฺชตีติ อตฺโถ. ภุตฺตาวีติ ปุพฺเพ ภตฺตสมฺมทํ วิโนเทตฺวา มุหุตฺตํ วิสฺสเมตฺวา พุทฺธุปฏฺฐานํ คจฺฉติ, ตํทิวสมฺปน ภุญฺชนฺโตว ทสพลํ สริตฺวา หตฺเถ โธวิตฺวาว อคมาสิ. มหสฺสาสีติ ตสฺส คจฺฉโต พลวา ภตฺตปริฬาโห อุทปาทิ, ตสฺมา มหนฺเตหิ อสฺสาเสหิ อสฺสสติ, คตฺตโตปิสฺส เสทพินฺทูนิ มุญฺจนฺติ, ๕- ตเมนํ อุโภสุ ปสฺเสสุ ฐตฺวา ยมกตาลวณฺเฏหิ พีชนฺติ, พุทฺธคารเวน ปน นิปชฺชิตุํ น อุสฺสหตีติ อิทํ สนฺธาย "มหสฺสาสี"ติ วุตฺตํ. อิมํ คาถํ อภาสีติ ราชา โภชเน อมตฺตญฺญุตาย กิลมติ, ผาสุวิหารํ อิทานิสฺส กริสฺสามีติ จินฺเตตฺวา อภาสิ. มนุชสฺสาติ สตฺตสฺส. กหาปณสตนฺติ ปาตราเส ปณฺณาสํ สายมาเส ปณฺณาสนฺติ เอวํ กหาปณสตํ. ปริยาปุณิตฺวาติ รญฺญา สทฺธึ โถกํ คนฺตฺวา "อิมํ มงฺคลอสึ กสฺส ทมฺมิ มหาราชา"ติ. อสุกสฺส นามาติ วุตฺเต ๖- โส ตํ อสึ ทตฺวา ๗- นิวตฺติตฺวา ๘- ทสพลสฺส สนฺติกํ อาคมฺม วนฺทิตฺวา ฐิตโกว "คาถํ วทถ โภ โคตมา"ติ วตฺวา ภควตา วุตฺตํ ปริยาปุณิตฺวาติ อตฺโถ.

@๔-๔ ฉ.ม. โทณปากกุรนฺติ โทณปากํ กุรํ ๕ ฉ.ม. มุจฺจนฺติ ๖ ฉ.ม., อิ. นาม เทหีติ