๕. ภีตาสุตฺตวณฺณนา

[๗๕] ปญฺจเม กึสูธ ภีตาติ กึ ภีตา. มคฺโค จเนกายตนํ ปวุตฺโตติ อฏฺฐตึสารมฺมณวเสน อเนเกหิ การเณหิ กถิโต. เอวํ สนฺเต กิสฺส ภีตา หุตฺวา อยํ ชนตา ทฺวาสฏฺฐี ทิฏฺฐิโย อคฺคเหสีติ วทติ. ภูริปญฺญาติ พหุปญฺญา อุสฺสนฺนปญฺญา. ๘- ปรโลกํ น ภาเยติ อิมสฺมา โลกา ปรโลกํ คจฺฉนฺโต น ภาเยยฺย. ปณิธายาติ ฐเปตฺวา. พหุอนฺนปานํ ๙- ฆรมาวสนฺโตติ อนาถปิณฺฑิกาทโย วิย พหุนฺนปาเน ๑๐- ฆเร วสนฺโต. สํวิภาคีติ อจฺฉราย คหิตํปิ นเขน ผาเลตฺวา ปรสฺส ทตฺวาว ภุญฺชนสีโล. วทญฺญูติ วุตฺตมตฺถเมว.

อิทานิ คาถาย องฺคานิ อุทฺธริตฺวา ทสฺเสตพฺพานิ. "วาจนฺ"ติ หิ อิมินา จตฺตาริ สุจริตานิ ๑๑- คหิตานิ, "มเนนา"ติ ปเทน ตีณิ มโนสุจริตานิ, "กาเยนา"ติ