อิมสฺส จ ปนตฺถสฺส ปกาสนตฺถํ เอกสาฏกพฺราหฺมณวตฺถุํ จ องฺกุรวตฺถุํ จ วิตฺถาเรตพฺพํ.

ธมฺมลทฺธสฺสาติ ธมฺเมน สเมน ลทฺธสฺส โภคสฺส ธมฺมลทฺธสฺส จ ปุคฺคลสฺส. เอตฺถ ปุคฺคโล ลทฺธธมฺโม นาม อธิคตธมฺโม อริยปุคฺคโล. อิติ ยํ ธมฺมลทฺธสฺส โภคสฺส ทานํ ธมฺมลทฺธสฺส อริยปุคฺคลสฺส ทียติ, ตํปิ สาธูติ อตฺโถ. โย ธมฺมลทฺธสฺสาติ อิมสฺมึปิ คาถาปเท อยเมว อตฺโถ. อุฏฺฐานวิริยาธิคตสฺสาติ

วิเจยฺย ทานนฺติ วิจินิตฺวา ทินฺนทานํ. ตตฺถ เทฺว วิจินนา ทกฺขิณาวิจินนํ จ ทกฺขิเณยฺยวิจินนํ จ. เตสุ ลามกลามเก ปจฺจเย อปเนตฺวา ปณีตปณีเต วิจินิตฺวา เตสํ ทานํ ทกฺขิณาวิจินนํ นาม. วิปนฺนสีเล อิโต พหิทฺธา ฉนวุติ ๓- ปาสณฺฑเภเท วา ทกฺขิเณยฺยํ ปหาย สีลาทิคุณสมฺปนฺนานํ สาสเน ปพฺพชิตานํ ทานํ ทกฺขิเณยฺยวิจินนํ นาม. เอวํ ทฺวีหากาเรหิ วิเจยฺย ทานํ. สุคตปฺปสฏฺฐนฺติ สุคเตน วณฺณิตํ. ตตฺถ ทกฺขิเณยฺยวิจินนํ ทสฺเสนฺโต เย ทกฺขิเณยฺยาติอาทิมาห. วีชานิ ๔- วุตฺตานิ ยถาติ อิมินา ปน ทกฺขิราวิจินนํ อาห. อวิจินพีชสทิสา ๕- หิ วิจินิตฺวา คหิตา ปณีตปณีตา เทยฺยธมฺมาติ.