๘. สกลิกสุตฺตวณฺณนา

[๓๘] อฏฺฐเม มทฺทกุจฺฉิสฺมินฺติ เอวํนามเก อุยฺยาเน. ตํ หิ อชาตสตฺตุมฺหิ กุจฺฉิคเต ตสฺส มาตรา "อยํ มยฺหํ กุจฺฉิคโต คพฺโภ รญฺโญ สตฺตุ ภวิสฺสติ, กิมฺเม อิมินา"ติ คพฺภปาตนตฺถํ ตตฺถ ๕- กุจฺฉิ มทฺทาปิตา. ตสฺมา "มทฺทกุจฺฉี"ติ สงฺขํ คตํ. มิคานํ ปน อภยวาสตฺถาย ทินฺนตฺตา มิคทาโย วุจฺจติ.

เตน โข ปน สมเยนาติ เอตฺถ อยํ อนุปุพฺพีกถา:- เทวทตฺโต หิ อชาตสตฺตุํ นิสฺสาย ธนุคฺคเห จ ธนปาลกํ จ ปโยเชตฺวาปิ ตถาคตสฺส ชีวิตนฺตรายํ กาตุํ อสกฺโกนฺโต "สหตฺถาว นํ มาเรสฺสามี"ติ ๖- คิชฺฌกูฏํ ปพฺพตํ อภิรูหิตฺวา มหนฺตํ กูฏาคารปฺปมาณํ สิลํ อุกฺขิปิตฺวา "สมโณ โคตโม