สตฺตสตาติ อิมสฺมึ สุตฺเต สพฺพาปิ ตา เทวตา คิลานเสยฺยฏฺฐานํ อาคตา. อุทานํ อุทาเนสีติ คิลานเสยฺยํ อาคตานํ โทมนสฺเสเนว ภวิตพฺพํ สิยา. อิมา ๕- ปน ตถาคตสฺส เวทนาธิวาสนํ ทิสฺวา "อโห พุทฺธานํ มหานุภาวตา, เอวรูปาสุ นาม เวทนาสุ วตฺตมานาสุ วิการมตฺตํปิ นตฺถิ, สิริสยเน อลงฺกริตฺวา ฐปิตสุวณฺณรูปกํ วิย อนิญฺชมาเนน กาเยน นิปนฺโน, อิทานิสฺส อธิกตรํ มุขวณฺโณ วิโรจติ, ปภาสมฺปนฺโน ปุณฺณจนฺโท วิย สมฺปติ วิกสิตํ วิย จ อรวินฺทํ อสฺส มุขํ โสภติ, กาเยปิ วณฺณายตนํ อิทานิ สุสมฺปหฏฺฐกญฺจนํ ๖- วิย วิปฺปสีทตี"ติ อุทานํ อุทาหริ. ๗-

@๓ ฉ.ม. ชาณุ...เอวปมุปริปิ ๔ ฉ.ม. ปน-สทฺโท น ทิสฺสติ

@๕ ฉ.ม. อิมาสํ, อิ. อิมสฺมึ ๖ ฉ.ม. สุสมฺมฏฺฐกญฺจนํ วิย ๗ ฉ.ม. อุทปาทิ.