๘. อุปฺปถสุตฺตวณฺณนา

[๕๘] อฏฺฐเม ราโค อุปฺปโถติ สุคติญฺจ นิพฺพานญฺจ คจฺฉนฺตสฺส อมคฺโค. รตฺติทิวกฺขโย ๑- รตฺตีหิ ทิเวหิ จ ขียติ. ๒- อิตฺถีมลนฺติ เสสํ พาหิรมลํ โอสงฺขาราทีหิ ๓- โธวิตฺวา สกฺกา โสเธตุํ, มาตุคามมเลน ผุฏฺโฐ ๔- ปน น สกฺกา สุทฺโธ นาม กาตุนฺติ อิตฺถี "มลนฺ"ติ วุตฺตา. เอตฺถาติ เอตฺถ อิตฺถิยํ ปชา สชฺชติ. ตโปติ อินฺทฺริยสํวรธุตงฺคคุณวิริยทุกฺกรการิกานํ นามํ, อิธ ปน ฐเปตฺวา ทุกฺกรการิกํ สพฺพาปิ กิเลสสนฺตาปิกา ปฏิปทา วฏฺฏติ. พฺรหฺมจริยนฺติ เมถุนวิรติ.

อฏฺฐมํ.