๒. อนาถปิณฺฑิกวคฺค

๑. จนฺทิมสสุตฺตวณฺณนา

[๙๒] ทุติยวคฺคสฺส ปฐเม กจฺเฉวาติ กจฺเฉ วิย ๑- . กจฺโฉติ ๒- ปพฺพตกจฺโฉปิ นทีกจฺโฉปิ. เอโกทินิปกาติ เอกคฺคจิตฺเตน ๓- เจว ปญฺญาเนปเกน จ สมนฺนาคตา. สตาติ สติมนฺโต. อิทํ วุตฺตํ โหติ:- เย ฌานานิ ลภิตฺวา เอโกที นิปกา สตา วิหรนฺติ, เต อมกเส ปพฺพตกจฺเฉ วา นทีกจฺเฉ วา มิคา ๔- วิย โสตฺถึ คมิสฺสนฺตีติ. ปารนฺติ นิพฺพานํ. อมฺพุโชติ มจฺโฉ. รณญฺชหาติ กิเลสํ ชหา. เย ๕- ฌานานิ ลภิตฺวา อปฺปมตฺตา กิเลเส ชหนฺติ, เต สุตฺตมยชาลํ ๖- ภินฺทิตฺวา มจฺโฉ ๗- วิย นิพฺพานํ คมิสฺสนฺตีติ วุตฺตํ โหติ. ปฐมํ.