@๓ ก. สมนฺตา กตฺถจิ อหูติ, ขุ. อป. ๓๒/๓๖๕/๔๔ สาริปุตฺตตฺเถราปทาน

@๔ ฉ.ม. ลภตูติ ๕ ฉ.ม. มหาเถรสฺส ๖ ฉ.ม., อิ. อิมา เทวตา

@๗ ฉ.ม., อิ. ตตฺถ ตตฺถ คนฺตฺวา ๘ ฉ.ม., อิ. เทวปุตฺโตติ ปาโฐ น ทิสฺสติ

อุจฺจาวจาติ อญฺเญสุ ฐาเนสุ ปณีตํ อุจฺจํ วุจฺจติ, หีนํ อวจํ. อิธ ปน อุจฺจาวจาติ นานาวิธา วณฺณนิภา. ตสฺสา กิร เทวปริสาย นีลฏฺฐานํ อตินีลํ, ปีตกฏฺฐานํ อติปีตกํ, โลหิตฏฺฐานํ อติโลหิตํ, โอทาตฏฺฐานํ อจฺโจทาตนฺติ จุตุพฺพิธา วณฺณนิภา ปาตุภวิ. เตเนว เสยฺยถาปิ นามาติ จตฺสฺโส อุปมา อาคตา. ตตฺถ สุโภติ สุนฺทโร. ชาติมาติ ชาติสมฺปนฺโน. สุปริกมฺมกโตติ โธวนาทิปริกมฺเมน สุฏฺฐุ ปริกมฺมกโต. ปณฺฑุกมฺพเล ฐปิโต. ๑- เอวเมวนฺติ รตฺกมฺพเล นิกฺขิตฺตมณี วิย สพฺพา เอกปฺปหาเรเนว วิโรจิตุํ อารทฺธา. นิกฺขนฺติ ๒- อติเรกปญฺจสุวณฺเณน กตปิลนฺธนํ. ตํ หิ ฆฏฺฏนมชฺชนกฺขมํ โหติ. ชมฺโพนทนฺติ มหาชมฺพุสาขาย ปวตฺตนทิยํ นิพฺพตฺตํ, มหาชมฺพุผลรเส วา ปฐวิยํ ปวิฏฺเฐ สุวณฺณงฺกุรา อุฏฺฐหนฺติ, เตน สุวณฺเณน กตํ ปิลนฺธนนฺติปิ อตฺโถ. ทกฺขกมฺมารปุตฺตอุกฺกามุขสุกุสลสมฺปหฏฐนฺติ สุกุสเลน กมฺมารปุตฺเตน อุกกามุเข ปจิตฺวา สมฺปหฏฺฐํ. ธาตุวิภงฺเค ๓- อกตภณฺฑํ คหิตํ, อิธ ปน กตภณฺฑํ.