วิชฺชมาเนสุ โภเคสุ ทีปนฺนากมฺห อตฺตโน"ติ ๑- อิมํ. เต อิมา คาถา วตฺตุํ อสกฺโกนฺตา เอเกกํ อกฺขรํ วตฺวา ตเถว นิมฺมุคฺคา. อิติ มหาราช เต เนรยิกสตฺตา ยถากมฺเมน วิรวึสุ. ตสฺส สทฺทสฺส สุตปจฺจยา ตุยฺหํ หานิ วา วุฑฺฒิ วา นตฺถิ. เอตฺตกานมฺปน ปสูนํ ฆาฏนกมฺมํ นาม ภาริยนฺติ นิรยภเยน ตชฺชิตฺวา ๓- ธมฺมกถํ กเถสิ. ราชา ทสพเล ปสีทิตฺวา "มุญฺจามิ, เนสํ ชีวิตํ ททามิ, หริตานิ เจว ติณานิ ขาทนฺตุ สีตลานิ จ ปานียานิ ปิวนฺตุ, สีโต จ เนสํ วาโต อุปวายตู"ติ วตฺวา "คจฺฉถ หาเรถา"ติ มนุสฺเส อาณาเปสิ. เต คนฺตฺวา พฺราหฺมเณ ปลาเปตฺวา ปาณสงฺฆํ ๔- พนฺธนโต โมเจตฺวา นคเร ธมฺมเภริญฺจาราเปสุํ. ๕-

อถ ราชา ทสพลสฺส สนฺติเก นิสินฺโน อาห "ภนฺเต เอกรตฺติ นาม ติยามา โหติ, มยฺหมฺปน อชฺช เทฺว รตฺติโย เอกโต ฆฏิตา วิย อเหสุนฺ"ติ. โสปิ ปุริโส ตตฺเถว นิสินฺโน อาห "ภนฺเต โยชนํ นาม จตุคาวุตํ โหติ, มยฺหมฺปน อชฺช เทฺว โยชนานิ เอกโต กตานิ วิย อเหสุนฺ"ติ. อถ ภควา

@๒๗/๕๕๔-๗/๑๓๗ โลหกุมฺภิชาตก (สฺยา) ๒ ฉ.ม., อิ. อิมํ ๓ ฉ.ม., อิ. ตชฺเชตฺวา