ปรุฬฺหกจฺฉนขโลมาติ ปรุฬฺหกจฺฉา ปรุฬฺหนขา ปรุฬฺหโลมา, กจฺฉาทีสุ ทีฆโลมา ทีฆนขา จาติ อตฺโถ. ขาริวิวิธนฺติ วิวิธขารึ นานปฺปการปพฺพชิต- ปริกฺขารภณฺฑกํ. อวิทูเร อติกฺกมนฺตีติ อวิทูรมคฺเคน นครํ ปวิสนฺติ. ราชาหํ ภนฺเตติ อหํ ภนฺเต ราชา ปเสนทิโกสโล, มยฺหํ นามํ ตุเมฺห ชานาถาติ. กสฺมา ปน ราชา โลเก อคฺคปุคฺคลสฺส สนฺติเก นิสินฺโน เอวรูปานํ

@๓ ฉ.ม. ธนญฺจย..... ๔ ฉ.ม. ชาตกาเล จสฺสา ๕ สี. มาตุฏฺฐาเน นคฺคโภคนิสฺสิริกานํ ๑- อญฺชลึ ปคฺคณฺหาตีติ. สงฺคณฺหนตฺถาย. เอวํ หิสฺส อโหสิ "สจาหํ เอตฺตกมฺปิ เอเตสํ น กริสฺสามิ, `มยํ ปุตฺตทารํ ปหาย เอตสฺสตฺถาย ทุพฺโภชนทุกฺขเสยฺยาทีนิ อนุโภม, อยํ อมฺหากํ อญฺชลิมตฺตกํ ๒- น กโรตี"ติ อตฺตนา ทิฏฺฐสุตํ ปฏิจฺฉาเทตฺวา น กเถยฺยุํ, เอวํ กเต ปน อนิคุหิตฺวา ๓- กเถสฺสนฺตี"ติ. ตสฺมา เอวมกาสิ. อปิจ สตฺถุ อชฺฌาสยชานนตฺถมฺปิ เอวมกาสิ.

กาสิกจนฺทนนฺติ สสณฺหจนฺทนํ. ๔- มาลาคนฺธวิเลปนนฺติ วณฺณคนฺธตฺถาย ๕- มาลํ สุคนฺธภาวตฺถาย คนฺธํ วณฺณคนฺธตฺถาย วิเลปนญฺจ ธาเรนฺเตน.