๖. จาลาสุตฺตวณฺณนา

[๑๖๗] ฉฏฺเฐ โก นุ ตฺวํ อิทมาทปยีติ โก นุ มนฺทพุทฺธี พาโล ตํ เอวํ คาหาเปสิ. ปริเกฺลสนฺติ อญฺญํปิ นานปฺปการํ อุปทฺทวํ. อิทานิ ยํ มาโร อาห "โก นุ ตฺวํ อิทมาทปยี"ติ, ตํ มทฺทนฺตี "น มํ อนฺธพาโล อาทเปสิ, โลเก ปน อคฺคปุคฺคโล สตฺถา ธมฺมํ เทเสสี"ติ ทสฺเสตุํ พุทฺโธติอาทิมาห. ตตฺถ สจฺเจ นิเวสยีติ ปรมตฺถสจฺเจ นิพฺพาเน นิเวเสสิ. นิโรธํ อปฺปชานนฺตาติ นิโรธสจฺจํ อชานนฺตา. ฉฏฺฐํ.