เอตทโหสีติ มหาขีณาสวสฺส สีลคนฺธํ ฉ เทวโลเก อชฺโฌตฺถริตฺวา พฺรหฺมโลกํ อุปคตํ ฆายมานสฺส เอตํ อโหสิ. สํเวเชยฺยนฺติ โจเทยฺยํ, สมฺมา ปฏิปตฺติยํ สํโยเชยฺยํ. อยํ หิ เอวรูปํ อคฺคทกฺขิเณยฺยํ มหาขีณาสวํ นิสีทาเปตฺวา ยาคุอุฬุงฺกมตฺตํปิ อทตฺวา "มหาพฺรหฺมํ โภเชสฺสามี"ติ ตุลํ ปหาย หตฺเถน ตุลยนฺตี วิย, เภรึ ปหาย กุจฺฉึ วาเทนฺตี วิย, อคฺคึ ปหาย ขชฺโชปนกํ ธมมานา วิย ภูตพลึ กุรุมานา อาหิณฺฑติ, คจฺฉามิสฺสา มิจฺฉาทสฺสนํ ภินฺทิตฺวา อปายมคฺคโต

@๔ ฉ.ม., อิ. สุวณฺณปาติยํ ๕ ฉ.ม., อิ. ปายาสํ ๖ ฉ.ม. หริตุปลิตฺตภาวาทีหิ

@๗ อิ. อลงฺกตา ปีฐิกา ๘ ฉ.ม., อิ. ปาตึ ๙ ฉ.ม., อิ. กปฺปรา อุทฺธริตฺวา ยถา อสีติโกฏิธนํ พุทฺธสาสเน วิปฺปกิริตฺวา สคฺคมคฺคํ อาโรหติ, ตถา กโรมีติ วุตฺตํ โหติ.