@๓ ฉ.ม. โอโลกิตมตฺเต ๔ ฉ.ม. อุตฺตริสาฏกํ, อิ. อุตฺตรสาฏกํ

@๕ ฉ.ม., อิ. ปริปุณฺณํ ๖ ฉ.ม., อิ. ปาทปุญฺฉนโจฬํ นิปติตมานตฺถทฺโธ ๑- หุตฺวา จินฺเตสิ "ทุสฺสาวุธํ ๒- เม สมณํ นาภิโภสิ, ๓- กึ นุ โข การณนฺ"ติ "อิทํ การณํ, เมตฺตาวิหารยุตฺโต สมโณ, หนฺท นํ โรสิตฺวา เมตฺตาย วิโยเชมี"ติ อิมินา สมฺพนฺเธเนตํ วุตฺตํ:- อถโข อาฬวโก ยกฺโข เยน ภควา ฯเปฯ นิกฺขม สมณาติ. ตตฺถายมธิปฺปาโย:- กสฺมา มยา อนนุญฺญาโต มม ภวนํ ปวิสิตฺวา ฆรสามิโก วิย อิตฺถาคารสฺส มชฺเฌ นิสินฺโนสิ, อนนุยุตฺตเมตํ สมณสฺส ยทิทํ อทินฺนปริโภโค อิตฺถีสํสคฺโค จ. ตสฺมา ยทิ ตฺวํ สมณธมฺเม ฐิโต, นิกฺขม สมณาติ. เอเก ปน "เอตานิ อญฺญานิ จ ผรุสวจนานิ วตฺวา เอวายํ เอตทโวจา"ติ ภณนฺติ.

อถ ภควา "ยสฺมา ถทฺโธ ปฏิถทฺธภาเวน วิเนตุํ น สกฺกา, โส หิ ปฏิถทฺธภาเว กยิรมาเน เสยฺยถาปิ จณฺฑสฺส กุกฺกุรสฺส นาสาย ปิตฺตํ ภินฺเทยฺย, ๔- โส ภิยฺโยโส มตฺตาย จณฺฑตโร อสฺส, เอวํ ถทฺธตโร โหติ, มุทุนา ปน โส สกฺกา วิเนตุนฺ"ติ ญตฺวา สาธาวุโสติ ปิยวจเนน ตสฺส ปิยวจนํ ๕- สมฺปฏิจฺฉิตฺวา นิกฺขมิ. เตน วุตฺตํ สาธาวุโสติ ภควา นิกฺขมีติ.