โส ตเมวตฺถํ คเหตฺวา กาลิกา หิ อาวุโสติอาทิมาห. ตตฺถ กาลิกาติ วุตฺตนเยน สโมหิตสมฺปตฺตินาปิ กาลนฺตเร ปตฺตพฺพา. พหุทุกฺขาติ ปญฺจ

อิทานิ สา เทวตา อนฺโธ วิย รูปวิเสสํ, เถเรน กถิตสฺส อตฺถํ อชานนฺตี กถญฺจ ภิกฺขูติอาทิมาห. ตตฺถ กถญฺจาติ ปทสฺส "กถญฺจ ภิกฺขุ กาลิกา กามา วุตฺตา ภควตา, กถํ พหุทุกฺขา, กถํ พหูปายาสา"ติ เอวํ สพฺพปเทหิ สมฺพนฺโธ เวทิตพฺโพ.

นโวติ อปริปุณฺณปญฺจวสฺโส ภิกฺขุ หิ นโว นาม โหติ, ปญฺจวสฺสโต ปฏฺฐาย มชฺฌิโม, ทสวสฺสโต ปฏฺฐาย เถโร. อปโร นโย:- อปริปุณฺณทสวสฺโส นโว, ทสวสฺสโต ปฏฺฐาย มชฺฌิโม, วีสติวสฺสโต ปฏฺฐาย เถโร. เตสุ ๔- อหํ นโวติ วทติ.