10. Samiddhisuttavaṇṇanā

[20] Dasame tapodārāmeti tapodassa tattodakassa rahadassa vasena evaṃ laddhanāme ārāme. Vebhārapabbatassa kira heṭṭhā bhummaṭṭhakanāgānaṃ pañcayojanasatikaṃ nāgabhavanaṃ devalokasadisaṃ maṇimayena talena ārāmuyyānehi ca samannāgataṃ. Tattha nāgānaṃ kīḷanaṭṭhāne mahāudakarahado, tato tapodā nāma nadī sandati kuthitā uṇhodakā. Kasmā panesā edisā? rājagahaṃ kira parivāretvā mahāpetaloko tiṭṭhati. Tattha dvinnaṃ mahālohakumbhīnirayānaṃ antarena ayaṃ tapodā āgacchati. Tasmā kuthitā sandati. Vuttampi cetaṃ:-

"yatāyaṃ bhikkhave tapodā sandati, so daho

acchodako sātodako sītodako setodako