5. Ānandasuttavaṇṇanā

[225] Pañcame ānandoti dhammabhaṇḍāgāriko thero. Ativelanti atikkantaṃ velaṃ. Gihisaññattibahuloti rattiṃ ca divā ca bahukālaṃ gihī saññāpayanto. Bhagavati hi parininbute mahākassapatthero theraṃ āha "āvuso mayaṃ rājagahe vassaṃ upagantvā dhammaṃ saṅgāyissāma, gaccha tvaṃ araññaṃ pavisitvā uparimaggattayatthāya vāyāmaṃ karohī"ti. So bhagavato pattacīvaraṃ ādāya kosalaraṭṭhaṃ gantvā ekasmiṃ araññāvāse vasitvā punadivase ekaṃ gāmaṃ pāvisi. Manussā theraṃ disvā "bhante ānanda tumhe pubbe satthārā saddhiṃ āgacchatha, ajja

@3 cha.Ma. madhuraṃ dhammassavanaṃ pañhākathanaṃ, i. madhuradhammassavanaṃ pañhakathaṃ