@5 cha.Ma. āsādetabbanti 6 cha.Ma. kitavopamaṃ 7 Sī. asabbhavācaṃ. 8 cha.Ma. āsādetabbaṃ

@9 Ma. saṃvaratthāya 10 cha.Ma. ayaṃ pāṭho na dissati Atirekappamāṇena. Imaṃ gāthaṃ abhāsīti kuppito esa amhākanti maññamānā abhāsi.

Na paṭiggaṇhātīti na khamati nādhivāseti. Kopantaroti abbhantare uppannakodho. Dosagarūti dosaṃ garuṃ katvā ādāya viharanto. Sa veraṃ paṭimuccatīti so evarūpo gaṇḍikaṃ paṭimuccanto viya taṃ veraṃ attani paṭimuccati ṭhapeti, na paṭinissajjatīti attho. Accayo ce na vijjethāti sace accāyikakammaṃ na bhaveyya. No cīdha apahataṃ siyāti yadi aparādho nāma na bhaveyya. Kenīdha kusalo siyāti yadi verāni na sammeyyuṃ, kena kāraṇena kusalo bhaveyya.