2. Kindadasuttavaṇṇanā

[42] Dutiye annadoti yasmā atibalavāpi dve tīṇi bhattāni abhutvā uṭṭhātuṃ na sakkoti, bhutvā pana dubbalopi hutvā balasampanno hoti, tasmā "annado balado"ti āha. Vatthadoti yasmā surūpopi duccoḷo vā acoḷo vā virūpo hoti ohīḷito duddassiko, vatthacchanno devaputto viya sobhati, tasmā "vatthado hoti vaṇṇado"ti āha. Yānadoti hatthiyānādīnaṃ dāyako, tesu pana:-

na hatthiyānaṃ samaṇassa kappati

na assayānaṃ na rathena yātuṃ