Amataṃ dado ca so hotīti paṇītabhojanassa pattaṃ pūrento viya amaradānaṃ nāma deti. Yo dhammamanusāsatīti yo dhammaṃ anusāsati, aṭṭhakathaṃ katheti, pāliṃ vāceti, pucchitapañhaṃ vissajjeti, kammaṭṭhānaṃ ācikkhati, dhammassavanaṃ karoti, sabbopesa dhammamanusāsati nāma. Sabbadānānañca idaṃ dhammadānameva agganti veditabbaṃ. Vuttampi cetaṃ:-

"sabbadānaṃ dhammadānaṃ jināti

sabbarasaṃ dhammaraso jināti

sabbaratiṃ dhammarati jināti