Tattha evanti ca meti ca sacchikatthaparatthavasena avijjamānapaññatti. Kiṃ hettha taṃ paramatthato atthi, yaṃ evanti vā meti vā niddesaṃ labhetha. Sutanti vijjamānapaññatti. Yaṃ hi taṃ ettha sotena upaladdhaṃ, taṃ paramatthato vijjamānanti. Tathā evanti ca meti ca taṃ taṃ upādāya vattabbato upādāpaññatti. Sutanti diṭṭhādīni upanidhāya vattabbato upanidhāpaññatti.

Ettha ca evanti vacanena asammohaṃ dīpeti. Na hi sammuḷho nānappakārapaṭivedhasamattho hoti. Sutanti vacanena sutassa asammosaṃ dīpeti. Yassa hi sutaṃ pamuṭṭhaṃ hoti, na so kālantarena mayā sutanti paṭijānāti. Iccassa asammohena paññāsiddhi, asammohena pana satisiddhi. Tattha paññāpubbaṅgamāya satiyā byañjanāvadhāraṇasamatthatā, satipubbaṅgamāya paññāya atthapaṭivedhasamatthatā.

@3 cha.Ma. saccikaṭṭha... 4 cha.Ma. sammuṭṭhaṃ, Sī. pammuṭṭhaṃ 5 cha.Ma., i.asammosena Tadubhayasamatthatāyogena atthabyañjanasampannassa dhammakosalassa anupālanasamatthato dhammabhaṇḍāgārikatāsiddhi.