8. Ghatvāvagga

1. Ghatvāsuttavaṇṇanā

[71] Ghatvāvaggassa paṭhame ghatvāti vadhitvā. Sukhaṃ setīti kodhapariḷāhena apariḍayhamānattā sukhaṃ sayati. Na socatīti kodhavināsena vinaṭṭhadomanassattā na socati. Visamūlassāti dukkhavipākassa. Madhuraggassāti akkuṭhassa paccakkositvā, pahaṭassa ca paṭipaharitvā sukhaṃ uppajjati, taṃ sandhāyesa madhuraggoti vutto. Imasmiṃ hi ṭhāne pariyosānaṃ agganti vuttaṃ. Ariyāti buddhādayo. Paṭhamaṃ.