4. Bilaṅgikasuttavaṇṇanā

[190] Catutthe bilaṅgikabhāradvājoti bhāradvājova so, nānappakāraṃ pana suddhañca sambhārayuttañca kañjikaṃ kāretvā vikiṇāpento bahuddhanaṃ saṅgharīti "bilaṅgikabhāradvājo"ti tassa saṅgītikārehi nāmaṃ gahitaṃ. Tuṇhībhūtoti "tayo me jeṭṭhabhātaro iminā pabbājitā"ti ativiya kuddho kiñci vattuṃ asakkonto tuṇhībhūto aṭṭhāsi. Gāthā pana devatāsaṃyutte kathitāva. Catutthaṃ.