5. Akkodhasuttavaṇṇanā

[271] Pañcame mā vo kodho ajjhabhavīti kodho tumhe mā abhibhavi tumheva kodhaṃ abhibhavatha. Mā ca kujjhittha kujjhatanti kujjhantānaṃ mā paṭikujjhittha. Akodhoti mettā ca mettāpubbabhāgo ca. Avihiṃsāti karuṇā ca karuṇāpubbabhāgo ca. Atha pāpajanaṃ kodho, pabbatovābhimaddatīti lāmakajanaṃ pana pabbato viya kodho abhimaddatīti. Pañcamaṃ.

Tatiyo vaggo.

Iti sakkasaṃyuttavaṇṇanā niṭṭhitā.