TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa. Navamaṃ yaññasuttaṃ

[349] Sāvatthiyaṃ ... tena kho pana samayena rañño pasenadikosalassa mahāyañño paccupaṭṭhito hoti . pañca ca usabhasatāni pañca ca vacchatarasatāni pañca ca vacchatarisatāni pañca ca ajasatāni pañca ca urabbhasatāni thūṇūpanītāni honti yaññatthāya . yepissa te honti dāsāti vā 2- pessāti vā kammakarāti vā tepi daṇḍatajjitā bhayatajjitā assumukhā rudamānā parikammāni karonti.