TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa. Catutthaṃ paṭirūpasuttaṃ

[455] Evamme sutaṃ ekaṃ samayaṃ bhagavā kosalesu viharati ekasālāyaṃ brāhmaṇagāme . tena kho pana samayena bhagavā mahatiyā gihiparisāya parivuto dhammaṃ deseti . atha kho mārassa pāpimato etadahosi ayaṃ kho samaṇo gotamo mahatiyā gihiparisāya parivuto dhammaṃ deseti yannūnāhaṃ yena samaṇo gotamo tenusaṅkameyyaṃ vicakkhukammāyāti.