สังยุตตนิกาย สคาถวรรค

TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa. Suttantapiṭake saṃyuttanikāyassa paṭhamo bhāgo --------- sagāthavaggo namo tassa bhagavato arahato sammāsambuddhassa. Devatāsaṃyuttaṃ naḷavaggo paṭhamo -------- paṭhamaṃ oghataraṇasuttaṃ

[1] Evamme sutaṃ ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme . atha kho aññatarā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkami upasaṅkamitvā bhagavantaṃ abhivādetvā ekamantaṃ aṭṭhāsi.