TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa. Tatiyaṃ devahitasuttaṃ

[682] Sāvatthiyaṃ viharati jetavane ... tena kho pana samayena bhagavā vātehābādhiko hoti . āyasmā ca upavāṇo bhagavato upaṭṭhāko hoti . atha kho bhagavā āyasmantaṃ upavāṇaṃ āmantesi iṅgha me tvaṃ upavāṇa uṇhodakaṃ jānāhīti . evaṃ bhanteti kho āyasmā upavāṇo bhagavato paṭissutvā nivāsetvā pattacīvaramādāya yena devahitassa brāhmaṇassa nivesanaṃ tenupasaṅkami upasaṅkamitvā tuṇhībhūto ekamantaṃ aṭṭhāsi.