TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa. Navamaṃ mātuposakasuttaṃ

[713] Sāvatthīnidānaṃ . atha kho mātuposako brāhmaṇo yena bhagavā tenupasaṅkami upasaṅkamitvā bhagavatā saddhiṃ sammodi sammodanīyaṃ kathaṃ sārāṇīyaṃ vītisāretvā ekamantaṃ nisīdi . ekamantaṃ nisinno kho mātuposako brāhmaṇo bhagavantaṃ etadavoca ahañhi @Footnote: 1 Po. Ma. Yu. kubbasi. Bho gotama dhammena bhikkhaṃ pariyesāmi dhammena bhikkhaṃ pariyesitvā mātāpitaro posemi kaccāhaṃ bho gotama evaṃkārī kiccakārī homīti . taggha tvaṃ brāhmaṇa evaṃkārī kiccakārī ahosi yo kho brāhmaṇa dhammena bhikkhaṃ pariyesati dhammena bhikkhaṃ pariyesitvā mātāpitaro poseti bahuṃ so puññaṃ pasavatīti.