TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa. Dvādasamaṃ āḷavakasuttaṃ

[838] Evamme sutaṃ ekaṃ samayaṃ bhagavā āḷaviyaṃ viharati āḷavakassa yakkhassa bhavane . atha kho āḷavako yakkho yena bhagavā tenupasaṅkami upasaṅkamitvā bhagavantaṃ etadavoca nikkhama samaṇāti . sādhāvusoti bhagavā nikkhami . pavisa samaṇāti . Sādhāvusoti bhagavā pāvisi . dutiyampi kho āḷavako yakkho bhagavantaṃ etadavoca nikkhama samaṇāti . sādhāvusoti bhagavā nikkhami . pavisa samaṇāti . sādhāvusoti bhagavā pāvisi . tatiyampi kho āḷavako yakkho bhagavantaṃ etadavoca nikkhama samaṇāti . sādhāvusoti bhagavā nikkhami. Pavisa samaṇāti. Sādhāvusoti bhagavā pāvisi.