๒. นาคสูตร

Evamme sutaṃ ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhe paṭhamābhisambuddho . tena kho pana samayena bhagavā rattandhakāratimisāyaṃ ajjhokāse nisinno hoti. Devo ca ekamekaṃ phusāyati.

Atha kho māro pāpimā bhagavato bhayaṃ chambhitattaṃ lomahaṃsaṃ uppādetukāmo mahantaṃ hatthirājavaṇṇaṃ abhinimminitvā yena bhagavā tenupasaṅkami . seyyathāpi nāma mahāariṭṭhako maṇi evamassa sīsaṃ hoti . seyyathāpi nāma suddhaṃ rūpiyaṃ evamassa dantā honti . Seyyathāpi nāma mahatī naṅgalīsā evamassa soṇḍo hoti.

Atha kho bhagavā māro ayaṃ pāpimā iti viditvā māraṃ pāpimantaṃ gāthāya ajjhabhāsi saṃsāraṃ 3- dīghamaddhānaṃ vaṇṇaṃ katvā subhāsubhaṃ alante tena pāpima nihato tvamasi antakāti. @Footnote: 1 Ma. amaraṃ. 2 Yu. sabbā natthāvahaṃ hoti. 3 Po. Ma. saṃsaraṃ. Atha kho māro pāpimā jānāti maṃ bhagavā jānāti maṃ sugatoti dukkhī dummano tatthevantaradhāyīti.