๒. โมลิยผคฺคุนสุตฺตวณฺณนา

[๑๒] ทุติเย สมฺภเวสีนํ วา อนุคฺคหายาติ อิมสฺมึเยว ฐาเน ภควา เทสนํ นิฏฺฐาเปสิ. กสฺมา? ทิฏฺฐิคติกสฺส นิสินฺนตฺตา. ตสฺสํ หิ ปริสติ โมลิยผคฺคุโน นาม ภิกฺขุ ทิฏฺฐิคติโก นิสินฺโน, อถ สตฺถา จินฺเตสิ "อยํ อุฏฺฐหิตฺวา มํ ปญฺหํ ปุจฺฉิสฺสติ, อถสฺสาหํ วิสฺสชฺเชสฺสามี"ติ ปุจฺฉาย โอกาสทานตฺถํ เทสนํ นิฏฺฐาเปสิ. โมลิยผคฺคุโนติ โมลีติ จูฬา วุจฺจติ. ยถาห:-

"เฉตฺวาน โมลึ วรคนฺธวาสิตํ

เวหายสํ อุกฺขิปิ สกฺยปุงฺคโว