๘. นนฺทสุตฺตวณฺณนา

[๒๔๒] อฏฺฐเม อาโกฏิตปจฺจาโกฏิตานีติ เอกสฺมึ ปสฺเส ปาณินา วา มุคฺคเรน วา อาโกฏเนน อาโกฏิตานิ, ปริวตฺเตตฺวา อาโกฏเนน ปจฺจาโกฏิตานิ. อญฺชิตฺวาติ ๒- อญฺชเนน ปูเรตฺวา. อจฺฉํ ปตฺตนฺติ วิปฺปสนฺนวณฺณํ มตฺติกาปตฺตํ. กสฺมา ปน เถโร เอวมกาสีติ. สตฺถุ อชฺฌาสยชานนตฺถํ. เอวํ กิรสฺส อโหสิ "สเจ สตฺถา `โสภติ วต เม อยํ กนิฏฺฐภาติโก'ติ วกฺขติ, ยาวชีวํ อิมินาวากาเรน จริสฺสามิ. สเจ เอตฺถ โทสํ ทิสฺสติ, ๓- อิมํ อาการํ ปหาย สงฺการโจฬํ คเหตฺวา จีวรํ กตฺวา ธาเรนฺโต ปริยนฺตเสนาสเน วสนฺโต จริสฺสามี"ติ. อสฺสสีติ ภวิสฺสสิ.

อญฺญาตุญฺเฉนาติ อภิลกฺขิเตสุ อิสฺสรชนเคเหสุ กฏุกภณฺฑสมฺภารํ สุคนฺธํ โภชนํ ปริเยสนฺตสฺส อุญฺโฉ ญาตุญฺโฉ นาม. ฆรปฏิปาฏิยา ปน ทฺวาเร ฐิเตน ลทฺธํ มิสฺสกโภชนํ อญฺญาตุญฺโฉ นาม. อยมิธ อธิปฺเปโต. กาเมสุ อนเปกฺขินนฺติ