@๔ ฉ.ม. อุตฺตริ ๕ สี. เนตํ

กถํ ชานโต ปน เตติ อิทํ กสฺมา อารภิ? อวิสเย สีหนาทํ นทาเปตุํ. เถโร กิร สูกรขาตเลณทฺวาเร ๑- ทีฆนขปริพฺพาชกสฺส เวทนาปริคฺคหสุตฺเต กถิยมาเน ตาลวณฺฏํ คเหตฺวา สตฺถารํ วีชยมาโน ฐิโต ติสฺโส เวทนา ปริคฺคเหตฺวา สาวกปารมีญาณํ อธิคโต, อยมสฺส อวิสโย. อิมสฺมึ สวิสเย ฐิโต สีหนาทํ นทิสฺสตีติ นํ สนฺธาย สตฺถา อิมํ ปญฺหํ ปุจฺฉิ อนิจฺจาติ หุตฺวา อภาวฏฺเฐน อนิจฺจา. ยทนิจฺจํ ตํ ทุกฺขนฺติ เอตฺถ กิญฺจาปิ สุขา เวทนา ฐิติสุขา วิปริณามทุกฺขา, ทุกฺขา เวทนา ฐิติทุกฺขา วิปริณามสุขา, อทุกฺขมสุขา ญาณสุขา อญฺญาณทุกฺขา, วิปริณามโกฏิยา ปน สพฺพาว ทุกฺขา นาม ชาตา. วิทิตนฺติ ยสฺมา เอวํ เวทนาตฺตยํ ทุกฺขนฺติ วิทิตํ. ตสฺมาสฺส ยา ๒- ตตฺถ ตณฺหา, สา น อุปฏฺฐาสีติ ทสฺเสติ.

สาธุ สาธูติ เถรสฺส เวทนาปริจฺเฉทเน ๔- สมฺปหํสนํ. เถโร หิ เวทนา เอกาติ วา เทฺว ติสฺโส จตสฺโสติ วา อวุตฺเตเยว ๔- ตาสํ ติสฺโสติ ปริจฺเฉทํ อญฺญาสิ, เตน ตํ ภควา สมฺปหํสนฺโต เอวมาห. ทุกฺขสฺมินฺติ อิทํ ภควา อิมินา อธิปฺปาเยน อาห "สาริปุตฺต ยํ ตยา `อิมินา การเณน เวทนาสุ ตณฺหา น อุปฏฺฐาสี'ติ พฺยากตํ, ตํ สุพฺยากตํ. `ติสฺโส เวทนา'ติ วิภชนฺเตน ปน เต อติปปญฺโจ กโต, ตํ `ทุกฺขสฺมินฺ'ติ พฺยากโรนฺเตนปิ หิ เต สุพฺยากตเมว ภเวยฺย. ยงฺกิญฺจิ เวทยิตํ, ตํ ทุกฺขนฺติ ญาตมตฺเตปิ หิ เวทนาสุ ตณฺหา น ติฏฺฐตี"ติ

กถํ วิโมกฺขาติ กตรา วิโมกฺขา, กตเรน วิโมกฺเขน ตยา อญฺญา พฺยากตาติ อตฺโถ. อชฺฌตฺตวิโมกฺขาติ ๕- อชฺฌตฺตวิโมกฺเขน, อชฺฌตฺตสงฺขาเร ปริคฺคเหตฺวา