เอตทโหสีติ ภควตา อนุโมทิเตน นยสเตน นยสหสฺเสน ปญฺหสฺส เอกงฺคณิกภาเวน ปากฏีภูตตฺตา เอตํ อโหสิ. ทิวสมฺปาหํ ภควโต เอตมตฺถํ

@๔ กตฺถจิ ทุสฺสนฺนิปาติยาติ ปาโฐ ทิสฺสติ ๕ ฉ.ม. อนุโมทิเต พฺยากเรยฺยนฺติ สกลทิวสมฺปิ อหํ ภควตา ๑- เอตํ ปฏิจฺจสมุปฺปาทตฺถํ ปุฏฺโฐ สกลทิวสมฺปิ อญฺญมญฺเญหิ ปทพฺยญฺชเนหิ พฺยากเรยฺยํ. เยน ภควา เตนุปสงฺกมีติ เอวํ กิรสฺส อโหสิ "เถโร อุฬารสีหนาทํ นทติ, สุการณํ เอตํ, ทสพลสฺส ๒- อาโรเจสฺสามี"ติ. ตสฺมา เยน ภควา เตนุปสงฺกมิ.

สา หิ ภิกฺขุ สาริปุตฺตสฺส ธมฺมธาตูติ เอตฺถ ธมฺมธาตูติ ปจฺจยาการสฺส วิวฏฏภาวทสฺสนสมตฺถํ สาวกปารมีญาณํ. สาวกานํ หิ สาวกปารมีญาณํ สพฺพญฺญุตญาณคติกเมว โหติ. ยถา พุทฺธานํ อตีตานาคตปจฺจุปฺปนฺนา ธมฺมา สพฺพญฺญุตญาณสฺส ปากฏา โหนฺติ, เอวํ เถรสฺส สาวกปารมีญาณํ สพฺเพปิ สาวกญาณสฺส โคจรธมฺเม ชานาตีติ. ทุติยํ.