อนฺโธ ปุถุชฺชโน เอโก กลฺยาเณโก ปุถุชฺชโน"ติ เทฺว ปุถุชฺชนา วุตฺตา, เตสุ อนฺธปุถุชฺชโน คหิโต. อิมสฺมินฺติ ปจฺจุปฺปนฺนํ ปจฺจกฺขกายํ ทสฺเสติ. จาตุมฺมหาภูติกสฺมินฺติ จตุมหาภูตกาเย, จตูหิ มหาภูเตหิ นิพฺพตฺโต จตุมหาภูตมโยติ ๔- อตฺโถ. นิพฺพินฺเทยฺยาติ อุกฺกณฺเฐยฺย. วิรชฺเชยฺยาติ
@๓ ฉ.ม. สงฺขํ คโต ๔ ฉ. นิพฺพตฺเต จตุมหาภูตมเย น รชฺเชยฺย. วิมุจฺเจยฺยาติ มุจฺจิตุกาโม ภเวยฺย. อาจโยติ วุฑฺฒิ. อปจโยติ ปริหานิ. อาทานนฺติ นิพฺพตฺติ. นิกฺเขปนนฺติ เภโท.
ตสฺมาติ ยสฺมา อิเม จตฺตาโร วุฑฺฒิหานินิพฺพตฺติเภทา ปญฺญายนฺติ, ตสฺมา ตํการณาติ อตฺโถ. อิติ ภควา จาตุมฺมหาภูติเก กาเย รูปํ ปริคฺคเหตุํ อยุตฺตรูปํ กตฺวา อรูปํ ปริคฺคเหตุํ ยุตฺตรูปํ กโรติ. กสฺมา? เตสํ หิ ภิกฺขูนํ รูปสฺมึ คาโห พลวา อธิมตฺโต, เตน เตสํ รูปคาหสฺส อปริคฺคเหตพฺพรูปตํ ๑- ทสฺเสตฺวา นิกฺกฑฺฒนฺโต อรูเป ปติฏฺฐาปนตฺถํ เอวมาห.