๓. กุลสุตฺตวณฺณนา

[๒๒๕] ตติเย สุปธํสิยานีติ สุวิเหฐิยานิ. กุมฺภตฺเถนเกหีติ เย ปรฆรํ ปวิสิตฺวา ทีปาโลเกน โอโลเกตฺวา ปรภณฺฑํ หริตุกามา ฆเฏ ทีปํ กตฺวา ปวิสนฺติ, เต กุมฺภตฺเถนกา นาม, เตหิ กุมฺภตฺเถนเกหิ. สุปธํสิโย โหติ อมนุสฺเสหีติ เมตฺตาภาวนารหิตํ หิ ปํสุปิสาจกา วิธํสยนฺติ, ๓- ปเคว อุฬารา อมนุสฺสา. ภาวิตาติ วฑฺฒิตา. พหุลีกตาติ ปุนปฺปุนํ กตา. ยานีกตาติ ยุตฺตยานํ วิย กตา. วตฺถุกตาติ ปติฏฺฐานฏฺเฐน วตฺถุ วิย กตา. อนุฏฺฐิตาติ อธิฏฺฐิตา. ๔- ปริจิตาติ สมนฺตโต จิตา สุวฑฺฒิตา สุสมารทฺธาติ จิตฺเตน สุฏฺฐุ สมารทฺธา. ตติยํ.

@๓ สี. ปํสุปิสาจกาปิ ธํสยนฺติ ๔ สี. อวฏฺฐิตา