๖. ลกุณฺฏกภทฺทิยสุตฺตวณฺณนา

[๒๔๐] ฉฏฺเฐ ทุพฺพณฺณนฺติ วิรูปสรีรวณฺณํ. โอโกฏิมกนฺติ รสฺสํ. ปริภูตรูปนฺติ ปมาณวเสน ปริภูตชาติกํ. ตํ กิร ฉพฺพคฺคิยา ภิกฺขู "อาวุโส ภทฺทิย อาวุโส ภทฺทิยา"ติ ตตฺถ ตตฺถ ปรามสิตฺวา นานปฺปารกํ กีฬนฺติ อากฑฺฒนฺติ ปริกฑฺฒนฺติ. เตน วุตฺตํ "ปริภูตรูปนฺ"ติ. กสฺมา ปเนส เอวรูโป ชาโต? อยํ กิร อตีเต

อถ สกฺโก จินฺเตสิ "อยํ อนฺธพาโล มหาชนํ วิเหเฐติ, กริสฺสามิสฺส นิคฺคหนฺ"ติ. โส ๒- มหลฺลกคามิยวณฺณํ กตฺวา ยานเก เอกํ ตกฺกจาฏึ อาโรเปตฺวา ยานํ เปเสนฺโต ๓- นครํ ปวิสติ. ราชาปิ หตฺถึ อารุยฺห นครโต นิกฺขนฺโต ตํ ทิสฺวา "อยํ มหลฺลโก ตกฺกยานเกน อมฺหากํ อภิมุโข อาคจฺฉติ, วาเรถ วาเรถา"ติ อาห. มนุสฺสา อิโต จิโต จ ปกฺขนฺทนฺตาปิ น ปสฺสนฺติ. สกฺโก หิ "ราชาว มํ ปสฺสตุ, มา อญฺเญ"ติ เอวํ อธิฏฺฐหิ. อถ เตสุ มนุสฺเสสุ "กหํ เทว กหํ เทวา"ติ วทนฺเตสุ เอว ราชา สห หตฺถินา วจฺโฉ วิย เธนุยา ยานสฺส เหฏฺฐา ปาวิสิ. สกฺโก ตกฺกจาฏึ ภินฺทิ.