3-5. Pañcasikkhāpadasuttādivaṇṇanā

[109-111] Tatiyaṃ pañcakammapathavasena bujjhanakānaṃ ajjhāsayavasena vuttaṃ, catutthaṃ sattakammapathavasena, pañcamaṃ dasakammapathavasena, tattha tatiye surāmerayamajjapamādaṭṭhāyinoti surāmerayasaṅkhātaṃ majjaṃ yāya pamādacetanāya pivanti, sā "surāmerayamajjapamādo"ti vuccati, tasmiṃ tiṭṭhantīti surāmerayamajjapamādaṭṭhāyino. Ayaṃ tāvettha asādhāraṇapadassa attho.