9. Dutiyasūcilomasuttavaṇṇanā

[210] Dutiye sūcilomavatthusmiṃ sūcikoti pesuññakārako. So kira manusse aññamaññañca bhindi, rājakule ca "imassa idaṃ nāma atthi, iminā ca idaṃ nāma katan"ti sūcetvā sūcetvā anayabyasanaṃ pāpesi. Tasmā yathā tena sūcetā manussā bhinnā, tathā sūcīhi bhedanadukkhaṃ paccanubhotuṃ kammameva nimittaṃ katvā sūcilomapeto jāto. Navamaṃ.