5. Sattisuttavaṇṇanā

[227] Pañcame paṭileṇissāmītiādīsu agge paharitvā kappāsavaṭṭiṃ viya nāmento niyyāsavaṭṭiṃ viya ca ekato katvā alliyāpento paṭileṇeti nāma. Majjhe paharitvā nāmetvā dhārāya vā paharitvā dvepi dhārā ekato alliyāpento paṭikoṭṭeti nāma. Kappāsavaṭṭanakaraṇīyaṃ viya pavattento ciraṃ kālaṃ pavelitakilañjaṃ pasāretvā puna saṃvelanto viya paṭivaṭṭeti nāma, pañcamaṃ.