3. Dukkhasuttavaṇṇanā

[43] Tatiye dukkhassāti vaṭṭadukkhassa. Samudayanti dve samudayā khaṇikasamudayo ca paccayasamudayo ca. Paccayasamudayaṃ passantopi bhikkhu khaṇikasamudayaṃ passati, khaṇikasamudayaṃ passantopi paccayasamudayaṃ passati. Aṭṭhaṅgamopi accantaaṭṭhaṅgamo bhedaṭṭhaṅgamoti duvidho. Accantaaṭṭhaṅgamaṃ passantopi bhedaṭṭhaṅgamaṃ passati, bhedaṭṭhaṅgamaṃ passantopi accantaaṭṭhaṅgamaṃ passati. Desessāmīti idaṃ vaṭṭadukkhassa samudayaṭṭhaṅgamaṃ nibbattibhedaṃ nāma desissāmi, taṃ suṇāthāti attho. Paṭiccāti nissayavasena ceva ārammaṇavasena ca paccayaṃ katvā. Tiṇṇaṃ saṅgati

@3 Sī.,i. rodhatthaṅgamo 4 Ma. vaṭṭadukkhe Phassoti tiṇṇaṃ saṅgatiyā phasso. Ayaṃ kho bhikkhave dukkhassa samudayoti ayaṃ vaṭṭadukkhassa nibbatti nāma. Aṭṭhaṅgamoti bhedo. Evaṃ hi vaṭṭadukkhaṃ bhinnaṃ hoti appaṭisandhiyaṃ. Tatiyaṃ.