3. Tiṃsamattasuttavaṇṇanā

[136] Tatiye pāveyyakāti pāveyyadesavāsino. Sabbe āraññikātiādīsu dhutaṅgasamādānavasena tesaṃ āraññikādibhāvo veditabbo. Sabbe sasaññojanāti sabbe sabandhanā, keci sotāpannā, keci sakadāgāmino. Keci anāgāmino.

Gunnantiādīsu setakāḷādivaṇṇesu ekekavaṇṇakālova gahetabbo. Pāripanthakāti pāripanthe tiṭṭhanakā panthaghātacorā pāradārikāti paradāre cārittaṃ āpajjanakā. Tatiyaṃ.