3-10. Suvaṇṇanikkhasuttādivaṇṇanā

[169] Tatiyādīsu suvaṇṇanikkhassāti ekassa kāñcananikkhassa. Siṅginikkhassāti siṅgisuvaṇṇanikkhassa. Paṭhaviyāti cakkavāḷabbhantarāya mahāpaṭhaviyā. Āmisakiñcikkhahetūti kassacideva āmisassa hetu antamaso kuṇḍakamuṭṭhinopi. Jīvitahetūti aṭaviyaṃ corehi gahetvā jīvite voropiyamāne tassapi hetu. Janapadakalyāṇiyāti janapade uttamitthiyā tatiyādīni.

Dutiyo vaggo.