2. Nakhasikhasuttavaṇṇanā

[224] Dutiye manussesu paccājāyantīti ye manussalokato cutā manussesu jāyanti, te evaṃ appakāti adhippāyo. Aññatra manussehīti ye manussalokato cutā ṭhapetvā manussalokaṃ catūsu apāyesu paccajāyanti, te mahāpaṭhaviyaṃ paṃsu viya bahutaRā. Imasmiṃ ca sutte devāpi manusseheva saṅgahitā. Tasmā yathā manussesu jāyantā appakā, evaṃ devesupīti veditabbā. Dutiyaṃ.