8. Dutiyagaddulabaddhasuttavaṇṇanā

[100] Aṭṭhame tasmāti yasmādiṭaṭhigaddulanissitāya taṇhārajjuyā sakkāyathambhe upanibaddho vaṭṭanissito bālaputhujjano sabbiriyāpathesu khandhapañcakaṃ nissāyeva pavattati, yasmā vā dīgharattamidaṃ cittaṃ saṅkiliṭṭhaṃ rāgena dosena mohena, tasmā. Cittasaṅkilesāti sunhātāpi hi sattā cittasaṅkileseneva saṅkilissanti, malaggahitasarīrāpi cittassa vodānattā visujjhanti. Tenāhu porāṇā:-

"rūpamhi saṅkiliṭṭhamhi saṅkilissanti māṇavā

rūpe suddhe visujjhanti anakkhātaṃ mahesinā.