[๔๗๙] สาวตฺถี ฯ โย ๑ ภิกฺขเว จกฺขุสฺส อุปฺปาโท ฐิติ อภินิพฺพตฺติ ปาตุภาโว ทุกฺขสฺเสโส อุปฺปาโท โรคานํ ฐิติ ชรามรณสฺส ปาตุภาโว โย โสตสฺส อุปฺปาโท ฐิติ ฯเปฯ โย ฆานสฺส อุปฺปาโท ฐิติ ฯ โย ชิวฺหาย อุปฺปาโท ฐิติ ฯ โย กายสฺส อุปฺปาโท ฐิติ ฯ โย มนสฺส อุปฺปาโท ฐิติ อภินิพฺพตฺติ ปาตุภาโว ทุกฺขสฺเสโส อุปฺปาโท โรคานํ ฐิติ ชรามรณสฺส ปาตุภาโว ฯ

[๔๘๐] โย จ ๒ ภิกฺขเว จกฺขุสฺส นิโรโธ วูปสโม อตฺถงฺคโม ทุกฺขสฺเสโส นิโรโธ โรคานํ วูปสโม ชรามรณสฺส อตฺถงฺคโม ฯ โย โสตสฺส นิโรโธ ฯเปฯ โย ฆานสฺส นิโรโธ ฯ โย ชิวฺหาย นิโรโธ ฯ โย กายสฺส นิโรโธ ฯ โย มนสฺส นิโรโธ วูปสโม อตฺถงฺคโม ทุกฺขสฺเสโส นิโรโธ โรคานํ วูปสโม ชรามรณสฺส อตฺถงฺคโมติ ฯ